Old age and digital textbooksthe image of aging in digital curricular materials

Resumo

Neste capítulo preséntase unha parte dos resultados dun estudo, a nosa tese de doutoramento, cuxo propósito fundamental foi o de descubrir cal é o tipo de conceptualización, tratamento e presenza da vellez no currículo escolar de Galicia e, en concreto, nunha mostra de materiais curriculares editoriais en formato dixital empregados nas aulas de sexto curso de educación primaria. Ofrécese unha reflexión respecto do deseño empírico da investigación e dalgúns dos achados acadados en relación á imaxe e rol da vellez nun conxunto de programacións dixitais de aula dirixidas ao profesorado. Igualmente, preséntase a ferramenta dixital de análise de materiais didácticos deseñada en coherencia cos principios do software libre e empregada para analizar as unidades de mostraxe escolmadas, tanto libros de texto coma programacións editoriais, sendo concibida tamén para ser ofrecida aos docentes como instrumento de avaliación autónoma dos recursos educativos que empregan acotío na aula. O conxunto do traballo enmárcase integramente dentro dos parámetros da chamada pedagoxía interxeracional, en defensa dunha sensibilidade etaria e unha solidariedade entre xeracións que comeza a construírse dende as idades máis temperás